í steikjandi hita! þetta var tilfinning sem ég fékk þegar ég stóð einn daginn í líka þessari geggjuðu steik sem er hér í Frakklandi mestan tíma dagsins. En þennan ákveðna dag var svosum engin sól að ráði. bara þessi svaka hiti. Þar sem ég stóð úti að virða fyrir mér umhverfið og reyna að ákveða hvað ég ætti að gera af mér næst og hvað mig langaði í að borða, þá fann ég alltí einu þessa skrítnu hita tilfinningu skríða upp lappirnar á mér, hægt og rólega upp að hnjám. Og ég sem var bara í stuttbuxum og ballerínuskóm úff mér var orðið heitt.Best að leita sér að skugga og blæstri!
Annars líður tíminn nokkuð ágætlega hér úti svo lengi sem ég finn mér e-ð að gera. Ég er aðallega að skoða söfn og kirkjur en á miðvikudaginn næsta fer ég að skoða Airbus verkstæðið með Alliance francaise. Ég hlakka svolítið til En að vísu er eftirlitið þar roooosa strangt. þegar ég smellti mér á listann þá var mér sagt að skrifa fullt nafn, kennitölu, hverra þjóða ég væri og hvaðan ég kæmi. Og svo er bara að mæta með ökuskýrteinið eða vegabréfið til að sýna hver ég er, annars kemst ég ekki inn!
Í gær fann ég kaffihúsið sem er með frönsk kvöld á föstudögum. Mikið var gaman að komast e-t og hitta fólk. Þar kom lið frá fyrsta kvöldinu mínu og við spjölluðum heilmikið saman.. Ég er búin að koma með nokkra íslenska brandara sem fólk kannski fattar ekki alveg en bjórauglýsinguna með gullna hringnum ná allir. Ég hef spurt lið hvað það gerir ef það villist í íslenskum skógi .. og það er ekki alveg að fatta þann húmor.
Það er tónlistarhátið hér á sunnudaginn sem ber heitið Rio Loco. Þá kemur allt tónlistarfólkið saman og spilar út um allar trissur hér í frakklandi. Þetta er búið að vera yirstandandi síðan á Þjóðhátíðardegi okkar Íslendinga og fer upp í hæstu hæðir nú á sunnudaginn. Kaffihúsabuddyinn er búinn að segjast vilja sýna mér og vera með mér á hátíðinni á sunnudaginn ef ég vilji og ég eigi bara að hafa samband og ég fékk því tölvupóstinn hans. Þetta verður örugglega gaman sko.
Annars núna er ég að reyna að koma mér í sturtu og kíkja niður í Capitole upp á djókið.

kveðjur þar til næst,
Johanna

Mme Fabre og og orðabókin

Við notum frönsk - íslensku orðabókina svolítið þegar ég skil hvorki upp né niður í málinu þeirra eða bara það að ég hef ekki hugmynd hvað þau eru að tjá sig. Þannig að Mme. Fabre er búin að vera voða dugleg að fletta orðabókinni minni sér til stuðnings (eða mér, eftir því hvernig horft er á málin). Nema hvað, orðin sem hún flettir upp á er kannski ekki alltaf í þeirri meiningu sem hún á við hverju sinni. Td. var hún að reyna að útskýra fyrir mér hvað yrði í  matinn á annan í hvítasunnu og flettir upp á orðinu "chèvre" og það þýðir geit en meðal annars þýðir það "þrífótur" fyrir myndavélar eða upptökuvélar. OK? og þegar hún finnur orðið í bókinni og segir "þetta verður í matinn". ég lít á bls. og sé að hún bendir á þýðinguna "þrífótur". Ég horfi á hana, svolítið skringilega og lít aftur niður og reyni síðan að útskýra fyrir henni að hún hlyti að hafa flett upp á vitlausu orði. Hún bendir og segir "nei, þetta er í matinn". ég reyni að gera látbragð um það að þetta þýði þrífótur. Og hún byrjar að vera pirruð. Þannig að ég skoða betur í kringum orðið og sé að fyrir ofan stendur "geit". ég pikka í hana og segist hafa fundið orðið hennar, því það bara gæti ekki staðist að það yrði þrífótur í matinn. Við hlóum að sjálfsögðu öll að þessum tæknilegu mistökum


Svo fór Mme. Fabre að leika sér að fletta í orðabókinni og fann e-ð orð sem einkenndi þessa setningu sem skýringu "Djöfull ertu leiðinlegur!" og hún montar sig og sýnir öllum sem hún þekkir þessa setningu og er voða montinn af því þó hún kannski viti ekki alveg hvað hún merkir. Og ég bara skellihlæ í hvert sinn sem ég heyri hana því ég veit að enginn veit hvað hún merkir.

(var búin að skrifa fullt meir en það þurrkaðist út, fylli betur inn í þetta seinna).

ég sendi kveðjur úr suðrinu. Hér er eingöngu sól og steikjandi hiti alla daga. En í dag fundum við krakkarnir örlítinn kældann skugga. Nokkrum gráðum neðar en vanalega er hér í skugganum. En já. Svo ég byrji nú á byrjunninni þá fór ég alein í fyrstu strætó og metró-ferðina mína á mánud. var og var það bara fínt. Að vísu villtist ég aðeins þegar ég byrjaði að rölta, en ég fann leið mína til baka með hjálp frakkanna. og svo villtist ég aftur, í hverfinu við götuna sem ég bý í, eftir að hafa tekið strætóinn tilbaka. Og aftur hjálpuðu frakkarnir mér. Merci beaucoup pour aide moi! Leiðin niður á stoppustöð er alveg að koma og sömuleiðis er það alveg að koma hjá mér hvar ég fer út á leiðinni heim. Fyrsti dagurinn í skólanum var í gær og var mér smellt í 1 levelið og ákvað ég að sjá til hvort ég vildi vera áfram til upprifjunar þar sem ég kann allt saman í þessum áfanga þó að æfingarnar séu aðrar en ég tók heima á íslandi. Það er mikið um það að skrifa stutta dialogue og lesa þá upp 2 og 2 saman. Ég var í hóp með ameríkana og portúgala eða spánverja þar sem bekkurinn var oddatala. En það fyndna við tímann í heild var það að þegar ameríkaninn sá það að ég var íslensk, hallar hann sér upp að mér og hvíslar "do you live in Reykjavik?". Svarið við því var að sjálfsögðu "nei" og sagði honum hvar ég byggi. og eftir það spjölluðum við heilmikið saman. Hann s,s býr í Glasgow en er frá Massatussettes (rétt skrifað?, hef ekki hugmynd) og á helling af íslenskum vinum og veit þar af leiðandi fullt um Ísland. Einnig spurði hann mig hvort ég hefði e-n tímann farið til Færeyja. Þeirri spurningu var einnig svarað neitandi en þar af leiðandi sagði ég honum að íslendingar skilji nokkurn veginn færeyskuna þó að ekki þýði öll orð endilega það sama og kom eftirfarandi með sögu frá færeyjum um konuna sem var boðið upp á Moggann og hann sprakk úr hlátri. Vinir hans segja einnig víst það sama og ég sagði að þegar þú heyrir færeying tala úr fjarlægð að þá hljómi hann eins og þroskaheftur dani, og hann hló þegar ég sagði það líka. (ég er víst svona gríðarlega fyndin karakter, húff). Eftir tímann í dag fór ég upp um level því þetta var ooooof létt og mér hálfleiddist þó svo að það var frábært að ná að kynnast finnsku stelpunni í dag, henni Suvi. Hún sagði að hún hélt að ég væri finnsk þegar hún sá mig í gær. Það er svona þetta skandinavíska útlit og hún var mjög sátt að heyra að það væri e-ir fleiri en bara hún að farast úr hita. Við 3 héngum saman eftir tíma í dag og tókum gott rölt á svæðið. Ég keypti mér létta skó eftir röltið því að ég hef verið með inniskó í láni frá fjölskyldunni og einnig keypti ég mér netta tösku undir skóladótið.
En já. Fjölskyldan hér á Rue Rene Bazin er bara æði í alla staði og mér finnst ég vera heima hjá mér. Svo vel líður mér hér, þrátt fyrir hitann. Ég er enn að venjast því að heilsa með kossum. Strákurinn hér á bæ heilsar  mér alltaf með kossum og við erum hálf kjánaleg í því öllu saman en það kemur. Hver á að snúa hvert. Spjallið gengur bara frekar vel og skilningurinn líka. En stundum lendum við öll út í horni með það hvernig á að útskýra en þá svissum við í enskuna, en við reynum eins og við getum að tala frönsku sem mér finnst bara æði. Í kvöld fékk ég að heyra frá sjálfri húsmóðurinni að ég talaði bara rosa góða frönsku. Ég varð voða hissa en samt voða upp með mið e-ð og sagði til baka. "merci, madame.". 2,5 ár í frönskunámi loksins að skila sér! jibbí!
Ég er búin að kynnast l'àperatif (minnir að það sé skrifað svona, Hrefna, þú bara leiðréttir mig). svolítið skemmtilegur siður. Og svo búin að smakka fullt af frönskum mat og það á bara eftir að fjölga. 1. júní þá var linsubaunaréttur. og vá, ævintýrið að útskýra linsubaunir á frönsku fyrir mér. En ég fattaði það fyrir rest alveg sjálf. Áframhaldandi ævintýri hélt um kvöldið í matnum þegar vinir þeirra komu í mat og hittu sjálfan Íslendinginn og Húsmóðirin montaði sig á uppáhalds- og jafnframt einu setningunni sem hún fann  í orðabókinni minni frönsk - íslensku "Djöfull ertu leiðinlegur!". Sú saga kemur næst. En nú er ég farin að sofa þar sem það er skóli í fyrramálið. klukkan 9 á frönskum tíma en klukkan 7 á íslenskum. Og klukkan er nú 00:30 að frönskum tíma.
Bon nuit, À bientot..
Johanna

Dagur 1. sunnud.

 

Ég komst á leiðarenda upp úr miðnætti í nótt, drulluþreytt og þyrst, en ekki svo svöng en ég fékk jógurt og fyllta pönnsku með súkkulaði. Mme. Fabre. Náði í mig á flugvöllinn og ég labbaði næstum því framhjá henni. Hún þurfti nánast að labba á mig til að ég tæki eftir henni því ég var svo þreytt og ég hélt að ég ætti að ná í farangurinn og síðan hitta hana. En það var gott að finna fyrir því að ég væri einu skrefi frá áfangastaðnum og geta sest niður og leift mér í raun að sofna.

Nú er komin nýr dagur og ég sit hér í herberginu fína, í soddan hita. Ég hristi bara hausinn yfir því að það eigi bara eftir að verða heitara í dag. Klukkan hér er 13:16 en 11:16 á íslenskum tíma. Ég er að fara í smá ferðalag á eftir. Ég er s,s að fara að læra á strætóinn og metro. Ég þarf s.s að taka held ég 1 – 2 strætó og 1 metró til að fara að Alliance Francaise húsinu hér í t="on">t="on">Toulouse.  Gaman gaman.

Ég hef voða lítið að segja í bili.

Ég bið að heilsa héðan úr grænlendinu og góða veðrinu

 

Jóga

Grænar grundir út um allt!

 

Jæja. Nú er ég komin til Parísar á De Gaulle flugvöllinn. út úr flugvélinni er ég búin að sjá fullt af grænum  túnum, misgrænum og blokkarhverfi, einbýlishúsahverfi og meira grænt, skóga og meira grænt og EFFELTURNINN, jamm ég sá Effelturninn. Nú get ég farið heim. Haha Ég er búin að vera vakandi síðan klukkan 4 í morgun eftir stuttan svefn. Því ég fór upp í rúm um miðnætti og ætlaði aldrei að sofna. Og ég hef ekkert sofnað, ég bara gat ekki sofnað í vélinni á leiðinni til De Gaulle. Þegar ég kom upp í vél um 7:10 þá hugsaði ég “hver ætli sitji hjá mér hmmm.” Því alveg rétt fyrir flug kom par, alveg yndisleg hjón og settust hjá mér. Við spjölluðum af og til í gegnum þessa tæpa 3 tíma í flugi. Nú er klukkan að ég held rétt um klukkan 15:00 á frönskum tíma. ( ég lent ss. Tæplega 12 á íslenskum tíma, en 12:50 á frönskum) og ég er nánast að farast úr þreytu. Langar rosalega að fara að sofa, en ég á eftir að verða þreyttari. Ég plantaði mér hér á borði því ég ætlaði á netið en neeeeeeei það gengur ekki því ég þarf að kaupa mér svona internet kort því ég er ekki frakki eða e-ð á líka, skyldi þetta ekki alveg því ég næ internetinu en ég bara kemst ekki inná það nema franskar síður. Og mig langar ekki á frönsku síðurnar núna.  Og ok ég keypti mér svoleiðis fyrir 10 evrur fyrir 1 klst. Og ekkert gerist enn. En já þá þarf ég að fara að e-u borði eða búð eða e-n fjandann til að láta tengja kortið e-ð. En nei ég finn þennan stað ekki. Og nú er ég búin að tölta svæðið mitt fram og tilbaka, fram og tilbaka. Og ég finn ekki shit. Mig langar á Facebook og msn og gmailið mitt og hmm bara það sem ég er vön að fara á. En já. Ég sit hér á flugvellinum, að kafna úr hita, búin að sparka af mér skónum til að reyna að kæla mig niður og læt mér leiðast. En hey! Ég er með tónlist inná tölvunni minni! Woohoo.. gaman, stytti mér stundir með því. Ég sé því nú ljós í myrkrinu. Ég er búin að bóka mig inn á terminalin sem ég fer af en er ekki enn komin með hliðið á hreinu þar sem ég fer ekki fyrr en um 21:00 inní flugvél og í loftið um 21:30. Svona fyrir þá sem bíða eftir myndum þá er ég búin að taka nokkrar myndir. Og smelli þeim inn um leið og ég nenni.   Ég tékka á hliðinu mínu um klukkan 18 er það ekki bara fínt? Jú eitt sem ég ætti kannski að nefna. Ég fékk alveg svaka þrýsting í hausinn við flugtak og lendingu og stundum í loftinu. Er það e-ð sem allir finna eða er þetta bara “poor special me”? jah ég spyr? Því ég var ekki viss hvor þetta væri bara ýmindun eða ekki því ég fékk soddan svima. Ég horfði á myndina t="on">t="on">Australia á hingað til Frakklands en byrjaði aðeins of seint að horfa á hana. Það voru 30 mínútur eftir af myndinni þegar við vorum lent. Oh. En jah. Ég kannski horfi bara á hana á heimleiðinni ef hún verður enn í kerfinu hjá Icelandair.  Samskipti mín við frakkana á frönsku er í augnablikinu aðeins “bonjour, vous parlez anglais?” og svo tekur enskan við til að gera mig skiljanlega, í bili því ég prufaði að reyna að útskýra hvað mig vantaði á frönsku og konan sem ég stoppaði, sem vinnur hér á flugvellinum, fyrr í dag til að fá hjálp horfði á mig eins og hálfvita, en hún leiddi mig áfram og sagði mér hvert ég ætti að fara og sagði mér að taka CDGVAL, úúú, ég er búin að taka mini-lest HAHA en þessi CDGVAL var nú ekki flókin. Prógrammið hennar er límt upp inní lestinni og einnig var diskur sem var spilaður og þar kom fram hvert hann var að fara (á frönsku og ensku) og prógrammið var mjög einfalt. Það var svona –TERMINAL 3 – PARKING Ps – TERMINAL 1 – PARKING Px – TERMINAL 2- og þetta tók ekki nema nokkrar mínútur. Svo er ég búin að vera að reka augun í kínverjana með sínar grímur. hef ekki náð þeim á mynd.

Jæja nú ætla ég að láta mér leiðast meir þar til ég fer í flug ;P

 

Kveðja þar til næst, Jóga

 

Ps. JÚ EITT ENN! Ég er komin á franskt símkerfi hér sem kallast því frumlega nafni “orange F”

 

Kveðjur!

jæja. nú eru aðeins 2 sólahringar í Frakklandsferðina miklu. Ég legg af stað frá Íslandi klukkan 7:40 frá Keflavíkurflugvelli og lendi í París klukkan 13:05. Þaðan tekur við lööööng bið, eða um 7 - 8 tímar því ég fer ekki í flug aftur fyrr en um 21:30 frá París til Toulouse. Ég lendi í Toulouse klukkan 22:30 þannig að ég verð í 6 tíma flugi ca. og ca. 8 tíma í bið og það gerir hvað langt ferðalag? hmmm 6 + 8 = 14 ferðalag, víbbbííííí! gaman gaman. Þegar til Toulouse er komið þá mun hefjast leit að frönsku fjölskyldunni og fara með henni heim með lest eða leigubíl eða metró sem er örugglega svona TGV dæmi í Frakklandi. þannig að ég kemst ekki í hvíld fyrr en svona um miðnætti á laugard.kvöldið e.t.v.  hmmmm já og svo er bara svona kannski smá slökun eftir allt ferðalagið fram að þriðjudeginum 2. júní því þá tek ég á móti stundaskránni minni milli 9  og 13 um morguninn. Og já, svo er bara skólinn næstu 4 vikurnar og hafa gaman, síðan frí í 10 daga í fyrstu viku júlímánaðar og svo skóli í 2 vikur og síðan heim í kringum 20. júlí.

kveðja þar til næst, Jóga

jæja, fór á prófsýningu í dag og náði í einkunnirnar mínar og dagbókina  mína í frönsku. ég fékk 9,0 í meðaleinkunn í Sögu og 7,0 í Frönsku. mjööööööög sátt. Ég spjallaði svo við hana Hrefnu um Frakklands ferðina sem fer alveg að skella á, jeee, ég hlakka til. Það fer allt að verða klappað og klárt. Ég læt ykkur vita seinna meir hvernig ferðin og allt gengur fyrir sig..


kveðja

jæja. þá er önnin í FSu hálfnuð og ég búin að fá eina 9,0 í sögu og eina 8,1 í frönsku, miðannamatið nýlstaðið yfir og já minnir mig á það að kíkja á angel og ath hvernig miðannamatið gekk fyrir sig...

nú hef ég verið frekar dugleg við að kíkja út á lífið síðustu vikur með vinunum, nú hvað á maður annað að gera ef maður á engann kæró eða nennir ekki að hanga heima? Ég bara spyr... en allavega fullt af myndum komnar inn á facebook.
Steini fóstri á afmæli í dag, 51 árs karlinn, til hamingju með daginn Steini minn. Mamma bakaði vöfflur og jedudda mía húff.. sprunginn...

Náði í litlu prinsessuna í leikskólann og Kolli bró fór að ná í Danna gæja og vá hvað ég ataðist mikið í dömunni.. haha.. húff...

hmm jamm ... ein svona hugleiðing... ætli það sé e-ð vitlaust hjá mér að vilja fara að kíkja á markaðinn, svona bara kíkja á stráka og kíkja á deit, ekkert alvarlegt bara svona á deit en samt ekki deit og ekkert meir... hmmm endilega kommentið hvort sem þið haldið að það sé e-ð vit í þessu eða bara tóm vitleysa þar sem ég enda hvort sem er á að deita lið sem vill ekki þetta eða vill ekki hitt (þó aðallega enginn vilji í barneignir, i dont get it, it is so natural, women are really ment to have babies, afhverju haldið þið að legið sé þarna? bara spyr)

veit ekki hvað ég á að segja meir en allavega .. veit að ég er ekki búin að blogga lengi svo hér er allavega blogg...

kveðja, Jóhanna

jæja þá er október gengin í garð og já mjallhvít jörð.

ég tók fyrsta söguprófið á fimmtudaginn síðasta og gekk held ég bara vel. Ég gat skrifað fullt um 2 hluti, heila síðu hvor.

Eins og allir vita þá eru bankarnir/þjóðin alveg á kúpunni varðandi fjármálin. Ég var einmitt með pening inn á sjóði #1.. obbosí þar tapaði ég 5000 krónum í vöxtum þegar allt féll...  en þeir peningarnir mínir eru komnir inn á lokaða bók og allt í gúddí... orðin suddalega rík ... eða jah.... ég hef aldrei átt svona mikinn pening áður... :Þ gaman gaman....

en já endilega kvittið .. það er svo gaman að sjá hverjir skoða síðuna mína.... :Þ

sjáumst síðar... :Þ

Jæja. Skólinn byrjaður og ég er að skríða af stað í sögunni,, gengur ekkert að koma mér klukkan 8 í skólann...en ég geri mitt besta....
en hey! ég er komin með örorkuna mína í hendurnar.... og þar með á ég inn á lokuðum reikning hálfa millljón...haha
svo er mín komin með ofnæmislyf fyrir kattaofnæminu svo að ég deyi nú ekki úr ofnæmi í skólanum... öss...

svo er ég að plana ferð um heiminn eða bara evrópu og ætla að spyrja Auðunn bró um að koma með mér... annars þá get ég gist út um alla heimsálfu hjá vinum foreldra minna.. haha

hæhæ ... ég ætla að byrja á því að segja eitt til einna af duglegusta og frábærasta aðila sem ég hitti á Reykjalundi..., til hamingju með góðan árangur Tinna Rut, æðislegur árangur! farin að geta gengið meir og betur en þegar við vorum saman á Reykjalundi! og nú smá fréttir!

skólinn byrjar e. 2 daga voða gaman!

svo var ég að fá í hendurnar þykkt bréf frá tryggingunum... ég er aaaaaaaalveg að fá í hendurnar FULLT af peningum! JÁ ÉG VAR SAMÞYKKT í örorkumati! jei! komin með bráðabyrgðaskírteini! hehe gaaaaman! á bara e. að láta taka nýja mynd af mér og senda til TR.

jæja.. hef ekkert að segja meir.. chao

jæja þá er mín búin að skreppa í bankann og leggja inn pening fyrir skólabókum og stofnaði og eyðilagði í leiðinni reikninga.. ég var sem sagt að stofna 2 save&save reikninga í stað verðbréfareikninganna haha og fæ voða flotta vexti á þá og svona..

fer í klippingu á morgun jei! ætla að fá mér e-ja flotta en einfalda klippingu því að ég veit ekki hvenær ég kemst næst í klippingu! 2 dagar eftir af vinnunni!
og já maður gleymi einu! KVEÐJUPARTÍ HJÁ HENNI DILLU baby! hahahahaha ætla sko að mæta! fer með 4 rútunni í bæinn að hitta mína elsku Dillu!

jæja thats all folks!

jæja .. 5 dagar í skólinn vakni að nýju! og ég búin að láta vita í vinnunni (með hjálp mömmu) að ég geti ekki verið með að vinna í vetur! og ég er búin að panta tíma í klippingu hjá krítik hér í bæ og svo síðast en ekki síst búin að panta tíma í nöglum hjá Viggu sys! ætla að fá mér french á neglurnar, prufa það .. jei!
Svo skelli ég mér í bæinn á föstudaginn með henni Særúnu að kaupa skólabækur!
Fullt að liði sem ég get hangið með í skólanum þetta árið! það er Særún og hinir úr vinnunni og svo hún nína pína elskan .. oh gaman að fá hana aftur í skólann!

jæja...skólinn byrjar í næstu viku og ég á eftir að láta yfirmennina vita að ég verð ekki með i vetur í vinnunni því að ég má víst ekki vinna með skólanum...

svo erum við Fúsi hætt saman, veit ekki hvað gerðist eða hvað kom fyrir.. hann bara sagði mér upp í gegnum sms og hefur ekki viljað tala við mig síðan.. ég fæ ekki einu sinni dótið mitt tilbaka né að tala við hann...

en hvað um það;
fékk þá flugu í höfuðið í dag að e. stúdent þá ætti ég að kaupa mér hús og sækja um leifi sem dagmamma og hafa gaman með börnum allan daginn...

já... ég kíkti á 800 bar í fyrsta skipti um verslunarmannahelgina, klikkað gaman þar ... svo gaman að ég fór aftur helgina eftir .. þá í afmælisdjamm hjá Siggu litlu og fór með henni, Röggu og Sigrúnu og hittum við  þar e-ja stráka frá keflavík og við stelpurnar sátum og spjölluðum og fífluðumst e-ð með þeim þar til staðnum lokaði,. ég hitti þar einnig hana Birnu baby og hana Söru skvísu.. oh.. takk æði skæði fyrir kvöldið.. klikkað gaman.. vonandi djömmum við saman fljótlega aftur.. takk fyri mig

þeir áfangar sem ég á e. í stúdentinn eru;
saga 203
saga 303
enska 403
enska 503
íslenska 503
náttúrufræði 106
náttúrufræði 103

vona að ég nái þessu með stæl
en má ekki taka meir en 2 áfanga í einu í mesta lagi...
þannig að í raun eru 2 ár í stúdentinn hjá mér...

jæja uppiskroppa með fréttir í bili...

jú eitt enn, ef þið hafið áhuga á að fá herbalife vörukynningu hjá mér, ekki vera smeik við að láta mig vita! ok?

sjáumst og heyrumst síðar...

Kristín takk fyrir frábært komment, æðislegt að þú skulir dásama gelið svona mikið

elska ykkur í tætlur knús og kram til allra

Jæja Tinna mín nýja bloggið í uppsiglingu.

ég er búin á Reykjalundi, á meðan Tinna Rut er á leið aftur þar inn. Vonandi hittirðu e-n sem er svipað skemmtilegur og hress eins og ég svo þér leiðist nú ekki mikið!
Hey! ég og Fúsi höfum verið saman í 6 og hálfann mánuð, á þriðjudaginn
skólinn byrjar í næsta mánuði.. hlakka aðeins til.. minnka áfangana niður, einn og einn.. fékk bréf frá tryggingastofnun um "boðun í skoðun" haha en mig langar svo ekki.. húff... leiðinleg þessi spurningaflóð alltaf.. og ég kann ekki að svara þeim...

verð að segja frá einu; gisti hjá Fúsa um daginn og við höfðum litlu dúlluna á milli okkar þá nótt .. oh hvað það var gott að kúra með hana í fanginu.. vöknuðum upp úr 10:30 á föstudagsmorgninum og reyndum að vekja hana, Fúsi pikkaði í hana og ég sagði varlega "Lilja vaknaðu, Lilja, tími til að vakna". Þá opnaði hún augun, teygði úr sér, snéri sér á hina hliðina, tók utan um pabba sinn (Fúsa) og steinrotaðist aftur.. Það var rosa gaman að sjá hann hvað hann hefur gaman af henni Lillu sinni.
Hann hefur gaman af börnum .. hann bara vill ekki viðurkenna það alveg. Það eru bara 2 börn sem hann dýrkar í lífinu.. ennsem komið er, og það eru ; Lilja litla, dóttir hans og systursonur hans, hann Sesar. .. etv. mun þeim fjölga ( já mig langar í börn! er e-ð að því?).

já veit ekki hvað ég á að segja meir. hmmm.. Tinna vona að þetta sé e-ð sem þú viljir lesa.... kommentaðu og segðu hvað þér finnst... og allir sem lesa þetta blogg.. bara kommenta eða kvitta í gestabókina... see yah... kiss'n'hugs!